ខេត្តឧត្តរមានជ័យ៖នាព្រឹកថ្ងៃទី៣១ ខែមីនា ឆ្នាំ២០២០ ឯកឧត្តម ប៉ែន កុសល្យ អភិបាល នៃគណៈអភិបាលខេត្តឧត្តរមានជ័យ បានដឹកនាំមន្ត្រីក្រោមឱវាទជុំវិញខេត្ត ចុះសាកសួរសុខទុក្ខ និងផ្ដល់ការឧបត្ថម្ភគាំទ្រដល់មន្ត្រីជួរមុខសុខាភិបាល ក្រុមការងារចត្តាឡីស័ក ដែលកំពុងបំពេញបេសកកម្មការងារ នៅច្រកទ្វារព្រំដែនអន្តរជាតិអូស្មាច់។ក្នុងឱកាសនោះឯកឧត្តម ប៉ែន កុសល្យ អភិបាល នៃគណៈអភិបាលខេត្តឧត្តរមានជ័យ បានកោតសសើរដល់ក្រុមការងារ ដែលបម្រើការនៅច្រកទ្វារព្រំដែនអន្តរជាតិអូស្មាច់ ដែលបានសហការគ្នាយ៉ាងល្អប្រសើរ នៅក្នុងការចាត់វិធានការត្រួតពិនិត្យយ៉ាងម៉ត់ចត់ចំពោះពលករ ពលការិនី ក្នុងដំណើរត្រឡប់មកស្រុកកំណើត ខណៈពេលដែលអាជ្ញាធរថៃ និងកម្ពុជា កំពុងតែចាត់វិធានការបង្ការការឆ្លងរីករាលដាលនៃជំងឺកូវីដ១៩។ក្នុងដំណើរចុះសាកសួរសុខទុក្ខ និងត្រួតពិនិត្យ ទៅលើដំណើរការបំពេញកិច្ចការងាររបស់ក្រុមការងារនៅមាត់ច្រកទ្វារព្រំដែនអន្តរជាតិអូរស្មាច់ ឯកឧត្តមអភិបាលខេត្ត បានឧបត្ថម្ភថវិកា ដល់ក្រុមការងារចត្តាឡីស័ក ចំនួន២លានរៀល,ម៉ាស់ចំនួន២ពាន់ម៉ាស់,ក្រមា និងទឹកបរិសុទ្ធមួយចំនួន។ កាយវិការនេះ គឺជាការបង្ហាញឱ្យឃើញពីការគិតគូរយកចិត្តទុកដាក់ខ្ពស់ ពីសំណាក់ថ្នាក់ដឹកនាំ ចំពោះមន្ត្រីរាជការក្រោមឱវាទ ក៏ដូចជាប្រជាពលរដ្ឋ ទាំងមុននិងកំឡុងពេល នៃយុទ្ធនាការរួមគ្នាបង្ការការឆ្លងរីករាលដាលនៃជំងឺឆ្លងជាសកលមួយនេះ៕
ព័ត៌មានគួរចាប់អារម្មណ៍
ឯកឧត្តមគង់ សោភ័ណ្ឌ អភិបាលខេត្តកណ្តាលបានអញ្ជើញចូលរួម ពិធីប្រកាសជាផ្លូវការដាក់ឱ្យអនុវត្តផែនការមេអភិវឌ្ឍន៍ទេសចរណ៍ខេត្តសៀមរាប ឆ្នាំ២០២១-២០៣៥ ()
រសៀលថ្ងៃច័ន្ទ ៥កើត ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១១ ខែតុលា ឆ្នាំ២០២១ លោកស្រី ហៀក ហ៊ីមុល្លី អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បាននាំយកអំណោយឧបត្ថម្ភជូន ប្អូនប្រុសដែលត្រូវពស់ចឹក និងដុះដុំសាច់ក្នុងពោះ កំពុងសម្រាកព្យាបាលនៅមន្ទីរពេទ្យបង្អែកខេត្តព្រះសីហនុ។ (រដ្ឋបាលខេត្តព្រះសីហនុ)
ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញដឹកនាំកិច្ចប្រជុំតាមរយៈប្រព័ន្ធវិដេអូ Zoom Meeting ()
អភិបាលខេត្តស្ទឹងត្រែង ដឹកនាំកិច្ចប្រជុំត្រួតពិនិត្យវឌ្ឍន ភាពការងាររដ្ឋបាលខេត្ត ប្រចំាខែមីនា និងត្រីមាសទី១ ឆ្នាំ២០២០ និងលើកទិសដៅការងារបន្ត (វីរៈបុរសជាតិ)
វីដែអូ