ថ្ងៃសុក្រ ទី០៣ ខែមេសា ឆ្នាំ២០៥០
គេហទំព័រ វីរៈបុរសជាតិខ្មែរ
សង្ឃ១អង្គសុគត និង១អង្គទៀតជាប់កុក ដោយសារចោទគ្នារឿងសែបគ្រឿងញៀន បង្កហឹង្សា​កាប់ចាក់គ្នា
Wed,25 March 2020 (Time 02:29 PM)
ដោយ ៖ វីរៈបុរសជាតិ (ចំនួនអ្នកអាន: 7នាក់)

ខេត្តមណ្ឌលគិរី៖ដោយសារការចោទប្រកាន់គ្នារឿងសែបគ្រឿងញៀន រហូតឈានដល់ការកាប់ចាក់គ្នា បណ្តាលឱ្យព្រះសង្ឃ១អង្គសុគតខណ:បញ្ជួនទៅមន្ទីរពេទ្យ ដល់ពាក់កណ្តាលផ្លូវ និង១អង្គទៀត​ជាប់កុក។

បើតាមប្រភពព័ត៌មានបានឱ្យដឹងថា មុនកើតហេតុសង្ឃដៃឆៅ១អង្គ ដែលរងនូវពាក្យប្រមាថពី​សង្ឃដូច​គ្នាពុំ​បាន ក្រោយពីសង្ឃនោះចោទថាខ្លួនសែបគ្រឿងញៀន ក៏បានផ្ទុះកំហឹង វាយដោយ​ដំបងនឹងចាក់ដោយកាំបិតសម្លាប់ក្នុងទីអារាមមួយហៅថាវត្តដេអេ ស្ថិតក្នុងស្រុកពេជ្រាដា ខេត្តមណ្ឌ​លគិរី បណ្តាលឱ្យស្នាមរបួសចំនួន៣កន្លែងដោយដំបងនឹងកាំបិតចុងស្រួច បានចាក់ទំលុះទ្រូង​ផ្នែក​ខាងស្តាំនិងផ្នែកខាងក្រោយ ធ្លាយដល់សួតនិងពោះវៀន បណ្តាលឱ្យព្រះសង្ឃរងគ្រោះសុគត ខណ:​បញ្ជួនទៅមន្ទីរពេទ្យដើម្បីសង្គ្រោះ ដល់ពាក់កណ្តាលផ្លូវ។ចំណែកព្រះសង្ឃដៃឆៅ ត្រូវពុទ្ធប​រិស័ទនិងព្រះសង្ឃក្នុងវត្តចាប់ផ្សឹក រួចបញ្ជួនឱ្យសមត្ថកិច្ចជំនាញភ្លាមៗផងដែរ។

លោកឧត្តមសេនីយ៍ត្រី សូ សុវណ្ណ ស្នងការរងនគរបាលខេត្តមណ្ឌលគិរី បានឱ្យដឹងថា ជនដៃដល់​និង​ត្រូវបញ្ជួនមកស្នងកាដ្ឋាននគរបាលខេត្តមណ្ឌលគិរី នឹងបញ្ជូនទៅអយ្យការ​អមសាលាដំបូង​ខេត្ត​មណ្ឌលគិរី ក្រោយសួរនាំ និងកសាងសំណុំចប់។ 

លោកបន្តថា ករណីឃាតកម្ម ដោយចេតនាកើតឡើង០១​ករណី​ប្រព្រឹត្តឡើងដោយ​ជនសង្សយ័​ឈ្មោះ​ធឿន នី ភេទប្រុស អាយុ៣៩ឆ្នាំ ជនជាតិខ្មែរមុខរបរព្រះសង្ឃ មានទីកន្លែងកំណើ​តភូមិត្រ​បែក ឃុំទឹកជ្រៅ ស្រុកតំបែរ ខេត្តកំពង់ចាម ទីលំនៅបច្ចុប្បន្នព្រះសង្ឃគង់នៅវត្តដេអេ ស្ថិតនៅភូមិចុ​ងផាង ឃុំពូជ្រៃ ស្រុកពេជ្រាដា ខេត្តមណ្ឌលគីរី។ចំណែកជនរងគ្រោះឈ្មោះ ថ្លាង វុធ ភេទប្រុស អាយុ២៤ឆ្នាំ ជនជាតិខ្មែរ មុខរបរព្រះសង្ឃ មានទីកន្លែងកំណើតភូមិទឹកជ្រៅ ឃុំទឹកជ្រៅ ស្រុកតំបែរ ខេត្តកំពង់ចាម ទីលំនៅបច្ចុប្បន្នជាព្រះសង្ឃគង់នៅវត្តដេអេ ស្ថិតនៅភូមិចុងផាង ឃុំពូជ្រៃ ស្រុកពេ​ជ្រាដា ខេត្តមណ្ឌលគិរី។

ជនរងគ្រោះ ត្រូវបានជនសង្ស័យប្រើកាំបិតចុងស្រួចចាក់ត្រូវ​ ទ្រូងខាងស្តាំលើដោះទំហំ​៥ស.មជំរៅ​ ដល់សួត​ ផ្នែកខាងក្រោយចាក់ចូលចន្លោះឆ្អឹងជំនីទី៧+៨ទំហំ៦ស.ម​ ជំរៅ​ ដល់ពោះវៀន​។

មូលហេតុ:ទាស់សំដីគ្នារឿងជនរងគ្រោះចោទប្រកាន់ជនសង្ស័យថា ប្រើប្រាស់គ្រឿងញៀន ។លោកស្នងការរងបញ្ជាក់ថា ជនដៃដល់កាលនៅពុំទាន់បួសធ្លាប់ប្រើប្រាស់គ្រឿងញៀនពិតមែន តែក៏បួសជាសង្ឃនិងឈប់ប្រើប្រាស់រយៈពេល២ឆ្នាំទៅហើយ ហើយក្រោយតេស្តទឹក​នោមរកសារ​ធាតុ​ញៀនមិនឃើញដែរ។

បច្ចុប្បន្នសពជនរងគ្រោះ ត្រូវបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី៕

ព័ត៌មានគួរចាប់អារម្មណ៍

អភិបាលរងខេត្តកណ្តាល​ ជួបសណេះ​សំណាល និងចែកអំណោយ​សប្បុរសធម៌ ដល់ប្រជាព​លរដ្ឋក្រីក្រ ក្រុងតាខ្មៅ (វីរៈបុរសជាតិ)

ព័ត៌មានគួរចាប់អារម្មណ៍

លោកជំទាវកិត្តិសង្គហបណ្ឌិត ម៉ែន សំអន អញ្ជើញជាអធិបតី​ក្នុង​ពិធីប្រកាសផ្ទេរ និង ចូលកាន់​ដំណែង រដ្ឋមន្ត្រីក្រសួង​ធម្មការ និង​សាសនា (វីរៈបុរសជាតិ)

ព័ត៌មានគួរចាប់អារម្មណ៍

សាខាកាកបាទក្រហមកម្ពុជា ​ខេត្តស្ទឹងត្រែង ដឹកនាំសមាជិក​ ចែកសម្ភារសម្រាប់យុទ្ធ​នាការផ្សព្វ​ផ្សាយ បង្ការ និង​ទប់​ស្កាត់​ប្រយុទ្ធជំងឺកូវីដ-១៩(COVID-19) (វីរៈបុរសជាតិ)

ព័ត៌មានគួរចាប់អារម្មណ៍

ឯកឧត្តម ស្បោង សារ៉ាត ប្រធានក្រុមប្រឹក្សា​ខេត្តព្រៃវែង​ ដឹកនាំ​សមាជិក ចុះ​សួរសុខទុក្ខ​ និងនាំយក​គ្រឿងឧប​ភោគបរិភោគ ជូនពលរដ្ឋកំពុងដាក់ឱ្យរស់​នៅ ដោយឡែកចំនួន០៩នាក់ (វីរៈបុរសជាតិ)

ព័ត៌មានគួរចាប់អារម្មណ៍

ចាប់ឃាត់ខ្លួនជនសង្ស័យ១នាក់ ពាក់ពន្ធ័ករណីលួច មានស្ថានទម្ងន់​ទោស(ឆក់កាបូប​) (វីរៈបុរសជាតិ)

វីដែអូ