រាជធានីភ្នំពេញ៖កំពុងឃើញប្តីសាសងស្នេហាជាមួយស្រីផ្សេងទៀត នៅលើគ្រែខាងមុខផ្ទះ គាប់ជួនទើបមកពីលក់ហត់ផង ទប់កំហឹងមិនបានក៏ឈ្លោះប្រកែកគ្នាយ៉ាងតឹងសសៃក រហូតឈានដល់ការប្រតាយប្រតប់គ្នា ក្រោយមកបុរសជាប្ដីបានបបួលប្រពន្ធទៅសាលាសង្កាត់ ដើម្បីផ្ដិតមេដៃលែងលះគ្នាទាំងកំរោល។លឺបែបនេះស្ត្រីជាប្រពន្ធទ្រាំពុំបាន ក៏ស្ទុះទៅប្រតាយប្រតប់គ្នា ជាមួយបុរសជាប្ដីយ៉ាងស្អិត និងទាំងដៃកាន់កន្សែងយកមករិតកមិនលែង រហូតស្លាប់បាត់បង់ជីវិតតេម្តង។ករណីនេះបានកើតឡើងកាលពីរសៀលថ្ងៃទី២១ ខែមករា ឆ្នាំ២០២០ ស្ថិតនៅផ្ទះគ្មានលេខមួយកន្លែង តាមបណ្ដោយផ្លូវជាតិលេខ៥ ក្នុងក្រុម៥ ភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។សមត្ថកិច្ចបានឲ្យដឹងថា ស្ដ្រីជាជនសង្ស័យមានឈ្មោះ សុខ សុវណ្ណារ៉ា ហៅស្រីតូច អាយុ៥៨ឆ្នាំ មុខរបរលក់ដូរ (នំបញ្ចុក)។ចំណែកជនរងគ្រោះជាប្ដីមានឈ្មោះ ស្បោង គីម អាយុ៥៩ឆ្នាំ បម្រើការងារនៅក្រុមហ៊ុនឯកជន (បាញ់ថ្នាំសត្វល្អិត)។ក្រោយពីបង្កហេតុកម្លាំងសមត្ថកិច្ចបានចាប់ឃាត់ខ្លួនជនសង្ស័យយកទៅសាកសួរ នៅអធិការដ្ឋាននគរបាលខណ្ឌឫស្សីកែវភ្លាមៗផងដែរ។បើតាមមន្ដ្រីនគរបាលមូលដ្ឋាន បានអះអាងថា ពីរនាក់ប្ដីប្រពន្ធខាងលើ កន្លងមកឧស្សាហ៍ឈ្លោះប្រកែកគ្នាស្ទើររាល់ថ្ងៃ ប៉ុន្តែមិនដល់ថ្នាក់វាយតប់គ្នានោះទេ។នៅចំពោះមុខសមត្ថកិច្ចជនសង្ស័យបានឆ្លើយសារភាពថា នៅមុនពេលកើតហេតុខ្លួន បានទៅរែកនំបញ្ចុកលក់ដូចសព្វដង ប៉ុន្តែពេលត្រឡប់មកផ្ទះវិញទាំងហត់នឿយ បែរជាឃើញប្ដី៣ថ្ងៃហើយមិនហូបបាយ គឺហូបតែស្រា និងកំពុងសាសងស្នេហាជាមួយស្រីផ្សេងទៀត នៅលើគ្រែខាងមុខផ្ទះធ្វើឲ្យទប់កំហឹងមិនបាន ក៏ឈ្លោះប្រកែកគ្នាយ៉ាងតឹងសសៃក ក៏ស្រាប់តែបុរសជាប្ដីបបួលប្រពន្ធទៅសាលាសង្កាត់ ដើម្បីផ្ដិតមេដៃលែងលះគ្នាទាំងកំរោល ដោយលឺបែបនេះ និងទាំងខ្លួនកំពុងហត់អស់កម្លាំងផងនោះ ធ្វើឲ្យស្ត្រីជាប្រពន្ធទ្រាំពុំបាន ក៏ស្ទុះទៅប្រតាយប្រតប់គ្នា ជាមួយបុរសជាប្ដីយ៉ាងស្អិត និងទាំងដៃកាន់កន្សែងយកមករិតកមិនលែង ដោយមិនបានដឹងថាប្ដីស្លាប់បាត់បង់ជីវិតនោះទេ។បន្ទាប់ពីដឹងថាប្ដីដាច់ខ្យល់ស្លាប់ ស្ត្រីជាប្រពន្ធក៏បានរត់ទៅប្រាប់មេភូមិ និងទូរស័ព្ទទៅប្រាប់សាច់ញាតិខាងប្ដី ដោយមិនរត់ទៅណាឡើយ ទើបបង្កការភ្ញាក់ផ្អើលដល់ប្រជាពលរដ្ឋអ្នកក្បែរខាង និងសមត្ថកិច្ចមូលដ្ឋានចុះមកត្រួតពិនិត្យ។ ក្រោយពីសមត្ថកិច្ចជំនាញចុះធ្វើកោសល្យវិច្ច័យរួចក៏ប្រគល់សាកសពឲ្យក្រុមគ្រួសារ យកទៅរៀបចំធ្វើបុណ្យតាមប្រពៃណី៕
ព័ត៌មានគួរចាប់អារម្មណ៍
ឯកឧត្តមគង់ សោភ័ណ្ឌ អភិបាលខេត្តកណ្តាលបានអញ្ជើញចូលរួម ពិធីប្រកាសជាផ្លូវការដាក់ឱ្យអនុវត្តផែនការមេអភិវឌ្ឍន៍ទេសចរណ៍ខេត្តសៀមរាប ឆ្នាំ២០២១-២០៣៥ ()
រសៀលថ្ងៃច័ន្ទ ៥កើត ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១១ ខែតុលា ឆ្នាំ២០២១ លោកស្រី ហៀក ហ៊ីមុល្លី អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បាននាំយកអំណោយឧបត្ថម្ភជូន ប្អូនប្រុសដែលត្រូវពស់ចឹក និងដុះដុំសាច់ក្នុងពោះ កំពុងសម្រាកព្យាបាលនៅមន្ទីរពេទ្យបង្អែកខេត្តព្រះសីហនុ។ (រដ្ឋបាលខេត្តព្រះសីហនុ)
ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញដឹកនាំកិច្ចប្រជុំតាមរយៈប្រព័ន្ធវិដេអូ Zoom Meeting ()
អភិបាលខេត្តស្ទឹងត្រែង ដឹកនាំកិច្ចប្រជុំត្រួតពិនិត្យវឌ្ឍន ភាពការងាររដ្ឋបាលខេត្ត ប្រចំាខែមីនា និងត្រីមាសទី១ ឆ្នាំ២០២០ និងលើកទិសដៅការងារបន្ត (វីរៈបុរសជាតិ)
វីដែអូ