រដ្ឋបាលខេត្តកំពត បើកកិច្ចប្រជុំត្រួតពិនិត្យផែនការការពារ ក្នុងឱកាសបុណ្យសមុទ្រ នាពេលខាងមុខ
ខេត្តកំពត៖នាព្រឹកថ្ងៃសៅរិ៍ ៣រោច ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៤ ខែធ្នូ ឆ្នាំ២០១៩ ឯកឧត្ដម នាយឧត្តមសេនីយ៍យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី ឯកឧត្តម ជាវ តាយ អភិបាល នៃគណៈអភិបាលខេត្តកំពត បាន អញ្ជើញជាអធិបតីក្នុងកិច្ចប្រជុំត្រួតពិនិត្យផែនការការពារដំណើរជាអធិបតីដ៍ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្តេច កិត្តិព្រឹទ្ធបណ្ឌិត ប៊ុន រ៉ានីហ៊ុនសែន នាឱកាសបុណ្យសមុទ្រ លើកទី៨ជុំទី២នៅខេត្តកំពត នឹងចាប់ដំណើរការប្រព្រឹត្តទៅចាប់ពីថ្ងៃទី២០ ដល់ថ្ងៃទី២២ ខែធ្នូ ឆ្នាំ២០១៩។
បើតាមប្រសាសន៍ឯកឧត្ដមប្រធានអង្គប្រជុំបានឱ្យដឹងថាក្នុងរយៈពេល៣ថ្ងៃនាឱកាសបុណ្យសមុទ្រនេះគឺនឹងយកថ្ងៃទី២១ បើកអង្គពិធីជាផ្លូវការក្រោមអធិបតីភាពដ៏ខ្ពង់ខ្ពស់របស់សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន។
ការត្រៀមលក្ខណៈរៀបចំពិធីបើកនូវព្រឹត្តិការណ៍បុណ្យសមុទ្ររហូតមកដល់ពេលនេះសង្កេតឃើញថាទីតាំងកន្លែងនៃការរៀបចំពិធីមានលក្ខណៈប្រសើរ ប៉ុន្តែនៅសល់តែការជួបប្រជុំគ្នាម្តងទៀត ដើម្បីពិភាក្សាលម្អិតពីផែនការរួមឆ្ពោះទៅកាន់ព្រឹត្តិការណ៍បុណ្យសមុទ្រតែប៉ុណ្ណោះ ពិសេសការត្រៀមលក្ខណៈដើម្បីស្វាគមន៍ និងការការពារសន្តិសុខសណ្ដាប់ធ្នាប់សុវត្ថិភាពជូនប្រមុខរាជរដ្ឋាភិបាល ក៏ដូចជាថ្នាក់ដឹកនាំជាតិ អន្តរជាតិមកកំសាន្តក្នុងព្រឹត្តិការណ៍នៃពិធីបុណ្យសមុទ្រលើកទី៨ ជុំទី២ នៅខេត្តកំពតឲ្យបានល្អ និងទទួលបានជោគជ័យ៕
