ប្រភពច្បាស់ការបានប្រាប់ឱ្យដឹងថា លោក កែម សារិទ្ធ ជាមន្ត្រីយោធានៅក្នុងអង្គភាព កងពលលេខ ៥១ ផង និងជាមន្ត្រីបំរើការងារ នៅក្នុងសាលាសង្កាត់ ប៉ោយប៉ែត ផង សូមក្រសួងពាក់ព័ន្ធចុះពិនិត្យផងទាន!
ខេត្តបន្ទាយមានជ័យ ÷ចេញផ្សាយថ្ងៃទី ១៣ ខែមិថុនា ឆ្នាំ២០២២
ករណីនេះគឺ កំពុងបំផ្លាញលុយជាតិ ដោយសារ ខ្លួនមួយ មានការងារ ២កន្លែង បើកប្រាក់ខែ ក៏២កន្លែង ។ ប្រភពបានប្រាប់ឱ្យដឹងថា ÷ ជាច្រើនឆ្នាំមកហើយ លោក កែម សារិទ្ធ មិនដែរល ចូលបន្ទាយនោះទេ គឺយូរៗទៅបង្ហាញមុខម្តង ឬក៏ឃើញមុខតែនៅពេលបើកប្រាក់តែប៉ុណ្ណោះ ព្រោះលោក កែម សារិទ្ធ ក្នុងមួយថ្ងៃៗ រវល់តែ មកបំរើការងារនៅក្នុងសាលាសង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ឯណេះទេ ។
មហាជនបានរិះគន់ចំៗថា តើក្រុងប៉ោយប៉ែត ពិតជាខ្វះ ធនធានមនុស្ស ចេះដឹងមែនទេ ទើប យកយោធាមក មកឱ្យបំរើការងារ នៅសាលាសង្កាត់ប៉ោយប៉ែត បែបនេះនោះ ?
តើករណីនេះ ឯកឧត្តម ឧត្តមសេនីយ៍ឯក ឯក សំអូន មេបញ្ជាការ យោធភូមិភាគទី៥ គួរមានវិធានការយ៉ាងណា ? ចំពោះ លោក កែម សារិទ្ធ ដែលជាកម្លាំងយោធាបំរើការងារ នៅកងពលលេខ៥១ តែមិនទៅបំពេញតួនាទីក្នុងអង្គភាពរបស់ខ្លួន បែរជាទៅសង្ងំ បំរើការងារ នៅសាលា សង្កាត់ ប៉ោយប៉ែតទៅវិញ តែបើកប្រាក់ខែ ទាំង២កន្លែង សកម្មភាពនេះផ្គើនទៅនឹងបទបញ្ជារថ្នាក់ដឹកនាំ។ ហើយម្យ៉ាង វិញទៀត សកម្មភាពនេះ គឺកំពុងរួមគំនិត ឃុបឃិតគ្នា ប្រព្រឹត្តនូវអំពើពុករលួយ បំផ្លាញលុយជាតិ យ៉ាងធ្ងន់ធ្ងរ ។
ជុំវិញនឹងបញ្ហាខាងលើនេះ ក្រុមអ្នកសារព័ត៌មានយើងមិនទាន់ បានទទួល ការបំភ្លឺពីលោក កែម សារិទ្ធ នៅឡើយទេ ដោយសារគ្មានលេខ ទូរស័ព្ទដើម្បី ទំនាក់ទំនង ដូចនេះក្រុមអ្នកសារព័ត៌មានយើងរង់ចាំទទួលការបំភ្លឺគ្រប់ពេលវេលា រៀងរាល់ម៉ោងធ្វើការ ៕
