ខេត្តកណ្ដាល៖ក្នុងឱកាសទិវាជាតិបង្ការ ​និងពន្តត់អគ្គីភ័យឆ្នាំ២០២០ នៅសួន​ច្បារមាត់ទន្លេបាសាក់ ក្រុងតាខ្មៅ ខេត្តកណ្ដាល ​នាព្រឹកថ្ងៃទី២០​ ខែកុម្ភៈ ឆ្នាំ២០២០ លោក នៃ ចារី អភិបាលរង​ខេត្តក​ណ្ដាល បាន​ស្នើឱ្យកងកម្លាំមានសមត្ថកិច្ច ពិសេសកងកម្លាំងពន្លត់អគ្គភ័យ នៃស្នងកា​រនគបាល​ខេត្តកណ្ដាល ត្រូវយកចិត្តទុ​កដាក់ និងទទួលខុសត្រូវខ្ពស់ ក្នុងករណីមានឧប្បត្តិហេតុ អគ្គភ័យ​កើតឡើង ត្រូវរួមគ្នាដោះស្រាយ ពន្លត់ឱ្យទាន់ពេលវេលា និងទាន់សភាពការណ៍។

លោកបន្តថា គ្រោះមហន្តរាយ ភ្លើឆេះផ្ទះ គឺជាសោកនាដកម្មដ៏ធំធេង គ្មានអ្នណាម្នាក់​ចង់ឱ្យ​កើតមានឡើយ ព្រមទាំងប៉ះពាល់យ៉ា​ងធ្ងន់ធ្ងរដល់អាយុជីវិត និងជីវភាពរស់នៅប្រជាពលរដ្ឋ។ ដូច្នេះ កម្លាំមា​នសមត្ថកិច្ច ពិសេសកងកម្លាំងពន្លត់អគ្គភ័យ នៃស្នងការនគបាលខេត្តកណ្ដាល ត្រូវមា​នកម្លាំង​ប្រចាំការ២៤​ម៉ោង លើ២៤ម៉ោង និងផ្សព្វផ្សាយលេ​ខទូរស័ព្ទគ្រប់មូលដ្ឋាន ដើម្បីទទួលកា​ររាយការណ៍ ពីប្រជា​ពលរដ្ឋ ក្នុងករណីមានហេតុកា​រណ៍កើតឡើង។ត្រូវចុះតាមរោងចក្រ សហ​គ្រាស សណ្ឋាគារ ដេប៉ូលក់ប្រេងឥន្ទនៈ និងទីកន្លែងដែលងាយរងគ្រោះ ដើម្បីត្រួ​តពិនិត្យ​លក្ខ​ណៈបច្ចេកទេស និងសុពលភា​ពបំពង់ពន្លត់អគ្គីភ័យ។

ជាងនេះទៅទៀតត្រូវបន្តបញ្ជ្រាបការអប់រំ និងផ្សព្វផ្សាយ ដល់ប្រជាពលរដ្ឋ ឱ្យមានការប្រុងប្រយ័ត្ន ក្នុងការ​ប្រើប្រាស់ចរន្តអគ្គិសនី ភ្លើងចង្ក្រាន ការដុតធូបទៀន និងការដុត​ធូបសំណែន​ក្នុងពិធី​បុណ្យផ្សេងៗ។

លោកបញ្ជាក់បន្ថែមថា ទិវាជាតិបង្ការ និងពន្តត់អគ្គីភ័យនេះ ធ្វើឡើងក្នុងគោលបំណងកាត់បន្ថយ​គ្រោះមហន្តរាយ បង្កឡើងដោយអគ្គីភ័យ ដែលពី១ឆ្នាំទៅ១ឆ្នាំ ចេះតែមាន​កំណើនគួរឱ្យ​ព្រួយ​បានរម្ភ ព្រមទាំងគម្រាម​កំហែងដល់សន្តិសុខ សណ្ដាប់ធ្នាប់សាធារណៈ ប៉ះពាល់អាយុជីវិត សុខុមាលភាព និងបំផ្លាញទ្រព្យសម្បត្តិ បរិស្ថាន ជះឥទ្ធិពលធ្ងន់​ធ្ងរដល់គោលនយោ​បាយកាត់បន្ថយភាពក្រីក្រដល់រាជរដ្ឋាភិបាល៕