រាជធានីភ្នំពេញ៖សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអំពាវនាវទៅដល់ម្ចាស់រោងម៉ាស៊ីនកិនស្រូវទាំងអស់ សូមកុំទំលាក់ថ្លៃស្រូវរបស់ប្រជាកសិករ (កុំច្របាច់ក) អោយសោះ គឺត្រូវកំណត់តម្លៃទិញអោយបានសមរម្យ ព្រោះរាជរដ្ធាភិបាលក៏បានទម្លាក់ទុនប្រមាណ៥០ លានដុល្លារជួយដល់សហគ្រាសធន់តូច និងមធ្យមដែលរួមបញ្ចូលទាំងរោងម៉ាស៊ីនកិនស្រូវផងដែរ។សម្តេចតេជោ បានបញ្ជាអោយ ក្រសួងពាណិជ្ជកម្ម,ក្រសួងសេដ្ឋកិច្ច និងហិរញ្ញវត្ថុ ក្រសួង កសិកម្ម និងសភាពាណិជ្ជកម្ម ត្រូវចូលរួមពិនិត្យ និងតាមដានបញ្ហានេះអោយបានម៉ត់ចត់បំផុត ដើម្បីផលប្រយោជន៍ដល់ប្រជាពលរដ្ឋ។សម្តេចមានប្រសាសន៍បែបនេះ ក្នុងឱកាសដែលសម្តេចអញ្ជើញផ្តល់កិត្តិយសប្រគល់សញ្ញាបត្រជូននិស្សិត នៃសាកលវិទ្យាល័យឯកទេសនៃកម្ពុជា (CUS)ដែលមានចំនួន៦,៧៦២នាក់ ក្នុងនោះគឺមាននារី២,៧៦១នាក់ នាព្រឹកថ្ងៃពុធ ១៥កើត ខែមិគសិរ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១១ ខែធ្នូ ឆ្នាំ២០១៩ នៅមជ្ឍមណ្ឌលកោះពេជ្រ។សម្តេចតេជោ ហ៊ុន សែន បានមានប្រសាសន៍ថា ទាក់ទងទៅនឹងវិស័យអប់រំ រាជរដ្ឋាភិបាលកម្ពុជាបានកំណត់ថា ខេត្តមួយត្រូវមានសាកលវិទ្យាល័យ១ ដែលដែលកន្លងមកយើងក៏បានបង្កើត សាកលវិទ្យាល័យនៅតាមបណ្តាខេត្តមួយចំនួនផងដែរដូចជា សាកលវិទ្យាល័យខេត្តត្បូងឃ្មុំ,សាកលវិទ្យាល័យខេត្តបន្ទាយមានជ័យ, សាកលវិទ្យាល័យខេត្តបាត់ដំបង,សាកលវិទ្យាល័យខេត្តក្រចេះ, សាកលវិទ្យាល័យខេត្តស្វាយរៀង និងសាកលវិទ្យាល័យខត្តព្រៃវែង…។ល។ ទាក់ទៅនឹងវិស័យកីឡា សម្តេចតេជោ ហ៊ុន សែន បានកោតសរសើរ និងអបអរសាទរ ចំពោះកីឡាករ កីឡាការិនីទាំងអស់ដែលបានទៅចូលរួមប្រកួតកីឡាស៊ីហ្គេម (Sea Games) លើកទី៣០ នៅប្រទេសហ្វីលីពីន។ក្នុងការប្រកួតស៊ីហ្គេមលើកនេះ កម្ពុជាយើងបានឈ្នះបានមេដាយ៤៦គ្រឿង ដែលជាចំនួនច្រើនបំផុតក្នុងការចូលរួមប្រកួតស៊ីហ្កេមតាំងពីពេលមុនៗមក។ ក្នុងនោះដែរសម្តេចបានមានប្រសាសន៍គាំទ្រ និងលើកទឹកចិត្តដល់ក្មួយៗកីឡាបាល់ទាត់ទាំងអស់ផងដែរ។ ទន្ទឹមនឹងនេះដែរ សម្តេចតេជោនាយករដ្ឋមន្ត្រីបានមានប្រសាសន៍បញ្ជាក់ថា តាមការព្យាករណ៍ កម្ពុជាយើងមានកំណើនសេដ្ធកិច្ចក្នុងរង្វង់អត្រា៧,១%។ក្នុងការគ្រប់គ្រង និងដឹកនាំប្រទេសជាតិ គឺសម្តេចតេជោបានគិតយ៉ាងម៉ត់ចត់ដែលផ្តោតសុំខាន់លើកត្តា២ គឺទី១ការគ្រប់គ្រងស្ថិរភាពនយោបាយ និងទី២គឺគ្រប់គ្រងស្ថិរភាពម៉ាក្រូសេដ្ឋកិច្ចអោយបានល្អ។ជាមួយគ្នានេះដែរ សម្តេចតេជោបានបញ្ជាក់ផងដែរថា ចំពោះកម្ពុជា បើគ្មានសន្តិភាព គឺគ្មានគ្មានសិទ្ឋិមនុស្ស ហើយបើគ្មានសន្តិភាព ក៏គ្មានការអភិវឌ្ឍផងដែរ៕
ព័ត៌មានគួរចាប់អារម្មណ៍
ឯកឧត្តមគង់ សោភ័ណ្ឌ អភិបាលខេត្តកណ្តាលបានអញ្ជើញចូលរួម ពិធីប្រកាសជាផ្លូវការដាក់ឱ្យអនុវត្តផែនការមេអភិវឌ្ឍន៍ទេសចរណ៍ខេត្តសៀមរាប ឆ្នាំ២០២១-២០៣៥ ()
រសៀលថ្ងៃច័ន្ទ ៥កើត ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១១ ខែតុលា ឆ្នាំ២០២១ លោកស្រី ហៀក ហ៊ីមុល្លី អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បាននាំយកអំណោយឧបត្ថម្ភជូន ប្អូនប្រុសដែលត្រូវពស់ចឹក និងដុះដុំសាច់ក្នុងពោះ កំពុងសម្រាកព្យាបាលនៅមន្ទីរពេទ្យបង្អែកខេត្តព្រះសីហនុ។ (រដ្ឋបាលខេត្តព្រះសីហនុ)
ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញដឹកនាំកិច្ចប្រជុំតាមរយៈប្រព័ន្ធវិដេអូ Zoom Meeting ()
អភិបាលខេត្តស្ទឹងត្រែង ដឹកនាំកិច្ចប្រជុំត្រួតពិនិត្យវឌ្ឍន ភាពការងាររដ្ឋបាលខេត្ត ប្រចំាខែមីនា និងត្រីមាសទី១ ឆ្នាំ២០២០ និងលើកទិសដៅការងារបន្ត (វីរៈបុរសជាតិ)
វីដែអូ